থম্মোইগী মনিন (হার্ডকভার)

অইবী অমা ওইরুবগি লাইরিক পাবা অমসুং ইনিংবগি ইথিল তৎতনা থম্মোইদা ফাওয়ি। মীওইবগি পুন্সিগি ওইবা লান থেংনরিঙৈদা লমখাংদা কবিগি ফম হায়দোকপা কয়ানো। থৱাইনা পামজরুবনিনা লমখাংদসু লম্মুকিèংদে। ইবগি কলমনা লেপখিবগি ইরাং উবদা ওজা এ কে শেরাম-না অনৌবা করিম ইদ্রিবা করিগিনো হায়না তোইনা হায়বিরকখি। ইবগি হোৎনরফাওবদা ঙম্লক্ত্রবা মিকুপ্তা ওজানা হায়রকই হন্দোকপগি হোৎনৌ হায়দুনা। হোৎনবা হৌয়ি। শঞ্জা চাই-চাদে য়েঙবিখি ওজানা। নেনে(ওজাগি লোইনবী) ডায়ালাইসিস তৌরিঙৈদা হসপিটালদা ঙাইনবা মতমদা অয়াম্বা মতম লেনবা ওইনা অশোই-আরাল য়েংবিখি। নেনেসু লৈখিদ্রে, ওজাগি হকচাংসু হন্দক মরকসে নুঙাইদবদগি থবক খরা তপথরে। ওজাগি ৱাহৈ অমদগি থম্মোইদা ইনিংবগি ইনোৎ অমা লাকখিবনি, মদুনা ঙসিগি ৪৩ ঈশৈগি অপুনবা শক্তম অমা 'থম্মোইগী মনিন' হায়না ওজাগি মফমদা ওজাগি ৭৪শুবা মপোক কুমওনদা খুদোল তমজরি।

হন্দোক্লিবা ঈশৈ অসে মশাগি লৈজরিবা সুরদা পানবা য়ারে-য়াদে হায়বগি মতেং ঐ থাংজম নিশাদগি ফংখি। নিশা মশামকসু নৌনা মচিন তুমখৎলকচরিবিনি, হেন্না খঙ-হৈবসু নৎচদবা অমরোমদনা ঐ ঈশামকসু। ইবানিনা থবক তৌমিন্নবা মতমদা তৎতনা অদুম হায়জৈ ইবানিনা তৌরিসে আরাইবদি নত্তেকো, করিবু করি ওইবা হায়দুনা। অখং-অহৈশিংনা লাইরিকসিদা থেংনবা অশোইবখুদিংমক নচানি-নচে-নচলনি খন্না তাকপিদুনা তুংগী লম্বীদা পুকিèং থৌগৎপিগনি থাজৈ।

লাইরিক ওইনা শক্তম মপুং ফাবদা কবি শেরাম নিরঞ্জন দাদাগি মতেং অমসুং তৌবিমল পুন্সিগি ওইনা কাউজরোই। লোইননা ইচে মিনতিনা ওফিসতা ফম্ ফম্না ঈশৈ ঙংঙগা পাংবা য়াবা মতেং পাংবিরকপা ঐগী ওইনা লাইবক চাওবনি খঞ্জৈ।